هەواڵ

چۆن سیسته‌مى ساردكردنه‌وه‌ی ئۆتۆمبێلەکانمان بپارێزین


پەیجێکی تایبەت بۆ تۆ، لەگەڵمان بن و نوێترینەکان بزانن


ئۆتۆمبێل

بۆ پاراستنى سیسته‌مى ساردكردنه‌وه‌ى بزوێنه‌ر هه‌ندێك خاڵ هه‌یه‌ ده‌بێت ئاگامان لێیان بێت ئه‌وانیش بریتین له‌:

پێویسته‌ به‌رده‌وام ئاگامان له‌ هێمای گه‌رمى بێت له‌ناو ده‌شبوولى ئۆتۆمبیل (حماوه‌).


پێویسته‌ به‌رده‌وام سه‌یرى ڕێژه‌ى ئاو بكه‌ین له‌ناو ڕادێته‌ر.


ئاوى پاك و بێكلس و تایبه‌ت بۆ‌ ڕادێته‌ر به‌كاربهێنین چونكه‌ ئاوى پیس ده‌بێته‌ هۆى ژه‌نگ هێنان و كلس كردن و ئه‌نجامى ئه‌وه‌ش گیرانى بۆریه‌كانى ڕادێته‌ر و به‌شى ناوه‌وه‌ى بزوێنه‌ر ده‌بێت.


به‌كارهێنانى ئاوى سارد بۆ ڕادێته‌ر ئه‌گه‌ر گه‌رم بوو كارێكى باش نىیه‌ چونكه‌ ساردكردنه‌وه‌ى كانزایه‌كى گه‌رم كاریگه‌رى خراپى له‌سه‌ر كانزاكه‌ ده‌بێت.
له‌كاتى به‌رزبوونه‌وه‌ى حەماوه‌ ئه‌گه‌ر ئاو نزیك بوو پێویسته‌ ڕادێته‌ر به‌ ئاو فێنك بكرێته‌وه‌ پاشان بكوژێنرێته‌وه‌. ئه‌گه‌ر ئاو نه‌بوو باشتره‌ ڕاسته‌وخۆ بكوژێنرێته‌وه چونكه‌ له‌كاتى وه‌ستاندا كاریگه‌رى هه‌وا له‌سه‌ر ڕادێته‌ر كه‌م ده‌كات به‌وه‌ش ئه‌گه‌رى زیاتر به‌رزبوونه‌وه‌ى پله‌ى گه‌رمى هه‌یه‌‌.

ئه‌گه‌ر بۆریه‌كانى ڕادێته‌ر گیران هۆكارى سه‌ره‌كى ده‌بن بۆ ئه‌وه‌ى پله‌ى گه‌رمى بزوێنه‌ر به‌رزببێته‌وه‌ له‌م باره‌دا ده‌بێت ڕادێته‌ر شیشى لێ بدرێت بۆ كردنه‌وه‌ى بۆرى یه‌كان یان فلاشى لێ بدرێت وه ‌ئه‌گه‌ر به‌وه‌ چاره‌سه‌ر نه‌كرا ده‌بێت بگۆڕێت. هه‌ندێك جار بۆرى ڕادێته‌ر كون ده‌بێت ئه‌مه‌ش له‌ ئه‌نجامى كۆن بوون یان هه‌ر هۆكارێكى تر بۆ چاره‌سه‌ركردنى مادده‌ى تایبه‌ت هه‌یه‌ كه‌ ده‌كرێته‌ ناو ڕادێته‌ره‌وه‌ بۆ ئه‌وه‌ى كونه‌كان دابخات و ڕێنماى به‌كارهێنانى له‌سه‌رى ده‌نوسرێت.

به‌شێكى ترى ئه‌م سیسته‌مه‌ بریتىیه‌ له‌ ڕادێته‌رى گه‌رمكردنى ناوه‌وه‌ى ئۆتۆمبیل. ئه‌م ڕادێته‌ره‌ له‌ ژێر داشبۆرده‌كه‌ داده‌نرێت كه‌ له‌ كاتى كردنه‌وه‌ى هه‌واى گه‌رمى ئۆتۆمبیله‌كه‌ له‌ زستاندا ئه‌وا ئاوى گه‌رم ئاڕاسته‌ى ئه‌م ڕادێته‌ره‌ش ده‌كرێت. له‌كاتى به‌رزبوونه‌وه‌ى پله‌ى گه‌رمى بزوێنه‌ر ده‌توانرێت سوودى لێ وه‌ربگیرێت بۆ دابه‌زاندنى پله‌ى گه‌رمى به‌ داگیرساندنى چونكه‌ ئه‌م ڕادێته‌ره‌ش وه‌ك ڕادێته‌رى سه‌ره‌كى پانكه‌ى هه‌یه‌ و به‌شێك له‌ گه‌رمى ئاوه‌كه‌ لاده‌بات.

ئامادەکردنی:ئەندازیار دانا کەریم.


بۆ شۆفێران، لەگەڵمان بن و نوێترینەکان بزانن