رێبەری ئۆتۆمبێلهەواڵ

نرخی تابلۆی ژمارە 1ی هەڵەبجە دەگەیەنرێتە 5 ملیۆن دۆلار


پەیجێکی تایبەت بۆ تۆ، لەگەڵمان بن و نوێترینەکان بزانن


ئۆتۆمبێل
وتەبێژی یەكێتی وەبەرهێنەرانی كوردستان، كە خاوەنی بیرۆكەی فرۆشتنی ژمارە تایبەتەكانی تابلۆی ئۆتۆمبێلی هەڵەبجەیەداوا لە ئیدارەی پارێزگاكە دەكات پەلە نەكەن لە فرۆشتنی تابلۆی ژمارە (1) و دەڵێت: “دەیگەیەنینە 5 ملیۆن دۆلار”.

یاسین مەحمود ڕەشید، وتەبێژی یەكێتی وەبەرهێنەرانی كوردستان نامەیەك بۆ ئازاد تۆفیق، پارێزگاری هەڵەبجە دەنێرێت و داوای لێ‌ دەكات، پەلە نەكات لە فرۆشتنی تابلۆی ژمارە (1)ى ئۆتۆمبێل و دەڵێت: “دەیگەیەنینە 5 ملیۆن دۆلار”.

 

یاسین محمود بۆ (خەڵك) ئاماژەی بەوەكردووە، لە ئێستادا فرۆشتنی تابلۆی ئۆتۆمبێلەكانی پارێزگای هەڵەبجە بۆتە دەنگوباسی میدیاكانی عیراق و كوردستان بە گشتی.

وتیشی، “بە پارێزگاری هەڵەبجەم وتووە، كە وەك چۆن لە سەرەتاوە بەڵێنمدا، كە دەبێت نرخی تابلۆی ژمارە (1) بگاته بڕی (یەك) ملیۆن دۆلار، ئێستاش داوات لێ دەكەم لە ئەنجامدانی ئەم پڕۆسەیەدا پەلە مەكەن، بەڵكو بە هەوڵی هەموو لایەكمان ژمارەیەك سەرمایەداری دەرەكی بانگێشتی ئەم پڕۆسەیە بكەین و بەتایبەت وڵاتانی كەنداو، چونكە بەوشێوازە دەتوانین نرخی ژمارە (1) بگەیەنینە (پێنج) ملیۆن دۆلار”.

 

جەختیشی كردەوە، سەركەوتنی ئەم پڕۆسەیە دەبێتە دەستكەوتێكی گرنگ بۆ پارێزگار و ئاوەدانی زیاتر بۆ شاری ھەڵەبجەی خۆشەویست.

 

یاسین مەحمود ڕەشید، وتەبێژی یەكێتی وەبەرهێنەرانی كوردستان لەماوەی ڕابردوودا و دوای دەرچوونی بڕیاری حكومەتی هەرێم بۆ پێدانی ژمارەی ئۆتۆمبێل بە تابلۆی هەڵەبجە بیرۆكەی فرۆشتنی ژمارە تایبەتەكانى خستەڕوو، بەجۆرێك پارەیەكی زۆری لەسەر دابنرێت و پارەكەی بخرێتە خزمەتی شارەكە.

 

ئەمە لەكاتێكدایە، كە بەڕێوەبەری هاتووچۆی هەڵەبجە ڕایگەیاندووە، كە هاووڵاتییەكی عەرەب ناوی خۆی تۆماركردووە بۆ كڕینی ژمارە (1)ی تابلۆی هەڵەبجە بە بڕی زیاتر لە ملیارێك دینار.


بۆ شۆفێران، لەگەڵمان بن و نوێترینەکان بزانن